Skip to content
ONE KEYTECHNOLOGY
PARTNER PROGRAMRefer a business and earn up to 20% on the first sale + up to 10% on every renewal.Become a partner →

Help centre

Restaurant POS — Setup Guide

Restaurant POS shuru karne ke liye jo chahiye, bas wahi — step by step, aasaan bhasha me.

Create free accountRefer & earn

1. Shuru karne se pehle

Har software ek hi One Key account se milta hai: pehle account, phir demo, phir payment, aur payment ke baad software chalu ho jata hai. Ye kaam ek baar karna hota hai.

  1. Account banao: onekeytechnology.com → upar Sign up free → naam, dukaan/company, mobile, email, city aur password bharo → Create account.
  2. Email confirm karo: aapke email par "Confirm your email" mail aayega. Uska link dabao. Mail na dikhe to Spam folder bhi dekhein.
  3. Login: onekeytechnology.com/customer/login par wahi email aur password daalo. Ye aapka One Key account hai: yahin aapke software, invoice, licence aur support sab milte hain.
  4. Demo dekho: account me software ka naam chuno → Book free demo. Hamari team call ya WhatsApp par demo dikhayegi. Free trial nahi hai, sirf demo hai.
  5. Payment: demo ke baad invoice aapke account me aata hai. UPI se pay karke "I have paid" dabao. Team payment check karegi.
  6. Software chalu: payment pakka hote hi:
    • Windows software (Restaurant POS): account me Restaurant POS ke card par Download button aur Licence key aa jati hai. Neeche Restaurant POS install wala hissa dekhein.

Kaun sa software kaise chalta hai

SoftwareKahan chalta haiInstall karna hai?Internet chahiye?
Restaurant POSWindows PCHaan, ek baarSirf licence check ke liye; roz ki billing bina net ke

2. Restaurant POS (Windows) — install aur shuru

Restaurant POS ek baar PC par install hota hai aur licence key se chalu hota hai. Uske baad roz ki billing bina internet ke bhi chalti hai.

Kya chahiye

  • Windows 10 ya Windows 11 (64-bit) wala PC ya laptop
  • Install aur licence chalu karne ke time internet
  • Bill ke liye thermal printer (80 mm ya 58 mm), optional

Install karna

  1. One Key account kholo → Restaurant POS ke card par Download dabao (payment confirm hone ke baad khulta hai). File ka naam OneKeyPOS-Setup.exe hai (lagbhag 165 MB).
  2. Downloaded file par double-click karo. Windows "Unknown publisher" jaisa sandesh dikhaye to More info → Run anyway dabao.
  3. Next → Install → Finish. Desktop par One Key POS ka icon aa jayega.

Pehli baar kholna (7 step ka setup)

Software pehli baar khulte hi setup aata hai. Har step bharo aur Next dabao:

  1. Welcome
  2. Business: naam, phone, email, poora address, city, state, PIN code
  3. GST & FSSAI: GSTIN aur FSSAI number (ho to)
  4. Main Branch: branch ka naam aur address
  5. Owner Account: aapka naam, username, password aur 4–6 ank ka POS PIN (billing ke time yahi PIN lagega)
  6. POS & Kitchen: bill ka prefix; kitchen me KOT chahiye to KOT chalu karo
  7. Review & Finish

Licence chalu karna

  1. Owner se login karo → Settings → Advanced: License.
  2. One Key account me dikh rahi licence key (jaise OKT-XXXX-XXXX-XXXX-XXXX) copy karke Licence key me paste karo.
  3. Activate on this computer dabao. "Active" dikhte hi billing, KOT, payment aur stock chalu ho jate hain.

Ek licence jitne computer ke liye liya hai, utne par hi chalega. Naya computer jodna ho to WhatsApp karein.

Printer aur menu

  • Printers me thermal printer chuno aur ek test bill chhapo.
  • Categories aur Menu items me apna menu daalo; Floor & Table Setup me table banao.
  • Staff jodo aur har kisi ko apna PIN do.

Bina internet ke

Software har baar net milne par licence check karta hai. Net na ho to 7 din tak sab normal chalta hai. Uske baad tak net nahi mila to billing ruk jati hai par reports, purane bill aur backup khule rehte hain. Net aate hi sab apne aap chalu ho jata hai.

3. Plan, renewal aur support

  • One Key account me Restaurant POS ke card par renewal date dikhti hai. Date paas aane par "Renewal due" dikhega; wahin se payment karo ya humse sampark karo.
  • Renew hote hi licence computer par internet ke saath apne aap update ho jata hai, kuch dobara install nahi karna.

Madad chahiye?

  • WhatsApp / phone: +91 90766 11923
  • One Key account → Support → Create Support Ticket (screenshot lagao to jaldi hal hota hai).

4. Aksar pooche jaane wale sawaal

DikkatKya karein
Confirmation ya koi email nahi aayaSpam / Promotions folder dekho. Mil jaaye to "Not spam" karo.
Owner password bhool gayeonekeytechnology.com/customer/forgot par email daalo, link aayega.
Restaurant POS: "Licence not active"Computer par internet chalu karo, Settings → Advanced: License → Activate on this computer.

In sab ke baad bhi dikkat ho to +91 90766 11923 par WhatsApp karo.